Zatoz ibiltzera Siriako errefuxiatuekin!
Ekainaren 9 eta 10ean, Xabier eta Loiolako Santutegietara

Abegi Onaren bideak (Caminos de Hospitalidad) ekimenarekin bat egitera gonbidatu nahi zaitugu, ekainean izango den migrante eta errefuxiatuen aldeko eta ilusioz beteriko proposamen ederra, hain zuzen. Jesusen Lagundiaren Gizarte Sektoreak bultzatzen duen Hospitalidad kanpainaren barruan kokatzen delarik, ekainaren 9an Xabierreko Santutegira eta ekainaren 10ean Loiolako Santutegira iritsiko den ibilaldia antolatu dugu.

Europako hainbat herrialdetik etorritako 100dik gora emakume, gizon, eta ume siriarrekin batera ibiltzeari ekingo diogu. Gerra dela eta, beren herrialdetik behartuta atera ziren lagunak dira, eta bakearen alde eta gatazka luze horren biktimen oroimenez ibili nahi dute.

Siriako pertsona hauen ondoan ibili nahi dugu bortizkeriaren aurrean gure arbuioa adierazteko eta Europan abegi ona eta harreraren kulturaren alde egiteko. Eta, jakina, zuk gurekin bat egitea nahi dugu. Zatoz zure familia, lagunak, ikasgela, edo komunitatearekin…behar zaitugu!





¿Zein etapa(-k) egiteko ematen duzu izena?

Iruñetik Ibilaldia
Zangoza - Xabier
Aizpurutxo - Loiola (Loiolan jango dut)Aizpurutxo - Loiola (Ez dut Loiolan jango)


Oharra: bolondresa nahi izanez gero, markatu laukitxoa, eta zurekin jarriko gara harremanetan


Iruñetik ibilaldia*

Ekainak 9
9:00tik, 11:00etara

Zangoza – Xabier**

Ekainak 9
Irteera, 12:00etan

Aizpurutxo – Loiola

Ekainak 10
Irteera, 10:00etan

3 etapa egingo ditugu bi egunetan. Bat, bi, edo hirurak egiteko eman ahal duzu izena

*Iruñeko San Ignacio Ikastetxetik irtengo gara eta El Sadar-reko aparkalekuan bukatu.

**Elkargunea eta irteera; Zangosako Hotel Yamaguchi-a

Sirian gerra duela 7 urte sortu zenetik, milioika pertsona izan dira kaltetuak, 12 milioi lagunek lekuz aldatu behar izan dute, eta ia 6 milioi errefuxiatu daude munduan zehar.

Ibilaldi hauen bitartez, Alemania, Portugal, Suedia, Holanda, eta Europako hainbat herrialdetik etorritako Siriako pertsona hauen ondoan bortizkeriaren aurrean gure arbuioa adierazi nahi dugu. Eta gizarte inklusiboaren alde ibili nahi dugu; gizartea non aniztasun kulturala errespetatzen den, eta pertsona guztiek aukera eta eskubide berberak dituzten, edozein jatorria izanda ere.

Frans Van der Lugt, Sirian 45 urteetan bizi zen jesuita holandarra, dugu inspirazio-iturri. Berak buruko-gaixoak zaintzeari, eta elkarrizketa eta bizikidetza baketsuari ekin zion bizitza osoan 2014an hil zuten arte. Frans-ek Sirian ibilaldiak antolatzen zituen kulturen eta erlijioen arteko topaguneak sortu nahian.

Uste dugu oraindik bide luzea geratzen dela harrera eta gizarte inklusiboa lortu ahal izateko. Horretarako, ahotsa goratu eta gure eskaerak helerarazi nahi dizkiegu ordezkari politikoei:

  1. Salbatu mugak gurutzatzen saiatzen diren pertsonen biziak
  2. Babestu mugetan biziak salbatu eta giza eskubideak defendatzen dituzten pertsonak (erreferentziatzat, kasu hauek: Proactiva-Open Armas, Proem-Aid, Helena Maleno).
  3. Bizkortu birkokapenerako prozedura1 eta zabaldu pertsona errefuxiatuak jasotzeko kuotak; horretarako, eskatu Gobernuari pertsona errefuxiatuei harrera emateko elkartasun-deiei erantzutea.
  4. Zabaldu eta sendotu herrialdean sartzeko eta egoteko bide legalak eta ziurrak, pertsona errefuxiatuen mugimendua segurua izan dadin.
  5. Egokitu asilorako arautegia Europako zein nazioarteko eremura, eta eratu Asilorako Arautegia prozedura modu zehatz batez garatzeko, eta pertsona eskatzaileen segurtasun juridikoa bermatzeko.
  6. Harrera eman segurtasun eta duintasunez jazarpen eta indarkeriatik iheska datozenei, gure kostaldeetara heltzen direnei edo hegoaldeko mugak zehartzen dituztenei, eta bermatu lehen harrera emateko baldintza egokiak.
  7. Bermatu Giza Eskubideak eta bidezko prozedura, kanporaketa gertatzen denean, eta, horretarako, kendu mugan bertan kanporatzea eta itzularazte azkarrak, sustatu CIE direlakoen alternatibak eta indargabetu hirugarren Estatuekin mugetan kanpora ateratzeko akordioak.
  8. Abegi eman eta erraztu pertsona migratzaile eta errefuxiatuen inklusioa herrialdean, eta, horretarako, zabaldu eta malgutu harrera emateko sistema eta gizarte babeserako baliabideak, baita eskatu Gobernuari Inklusiorako Plan Nazionala bultza dezan ere.
  9. Areagotu Laguntza Humanitarioa, eta, horretarako, dedikatu Nazio Errenta Gordinaren %0,4 Garapenerako Laguntza Ofizialari,  eta %10 Laguntza Humanitarioari.

Bultzatu hospitalitatearen kultura inplikaturik dauden politika publikoetatik, eta barne sartu herritartasun globalerako hezkuntza, kulturen arteko bizikidetza bultzatzeko estrategia gisa.

Abegi onaren ibilaldia Xabierreko Santutegira ekainaren 9an, larunbatean, eta Loiolako Santutegira, ekainaren 10ean, igandean, iritsiko da. Ezin baduzu etorri egun horietan, laguntza ere eman ahal duzu!!